It LISTEN-projekt hat in nije meartalige website

25 novimber 2020

It ynternasjonale LISTEN-projekt hat in nije meartalige website. Op dizze website fynst alle ynformaasje oer it projekt en de projektpartners yn it Frysk, Ingelsk, Welsk, Katalaansk, Iersk, Roemeensk, Hongaarsk en Spaansk. De treningen Psychology fan Taal dy’t de Afûk-Praat mar Frysk ûntwikkelet en oanbiedt, binne ûnderdiel fan it LISTEN-projekt.

Nim foar ynformaasje oer of belangstelling foar de treningen yn Fryslân kontakt op mei Mirjam Vellinga.

Kinst LISTEN no ek folgje op:
Instagram
Facebook
Twitter

Nijs

Nije trening foar treners
Op freed 24 septimber sette wy wer útein mei in trening foar treners foar de workshop Psychology fan dyn Taal. De trening bestiet út 2 dielen en sil jûn wurde yn Loft yn Boksum. De 2e treningsdei is op freed 1 oktober. Beide dagen duorje fan ca. 9.00 - 14.00 oere, lunsj ynbegrepen. De trening is fergees. Hast ûnderfining mei groepen, niget oan taal, bist net benaud foar wat nijs en bist fleksibel yn te setten? Dan is dizze trening miskien wat foar dy! Hast belangstelling? Nim dan kontakt mei ús op.
Ynterview mei Gerda Cuperus yn de Bildtse Post oer ús trening
Yn de Bildtse Post fan 13 jannewaris 2021 stiet in grut ynterview mei Gerda Cuperus oer de trening Psychology fan Taal. Gerda fertelt dêryn oer har eigen ûnderfiningen en oer de trening. Belangstellenden kinne har fanôf no ek opjaan. Sjoch de link foar de PDF fan it artikel. BP13012021-Psychologyfandyntaal
Kollum fan Anne-Goaitske Breteler oer Psychology fan Taal